தலைநகரம் – பாரீஸ்

ஆட்சிமொழி – பிரெஞ்ச்

அரசாங்கம் – ஒருமுக அரசு

பரப்பளவு – 6,74,843 ச.கி.மீ

நாணயம் – யூரோ (EUR)

தொலைபேசி அழைப்புக்குறி +33

வலைதளக்குறி .fr

பிரான்சு அல்லது பிரெஞ்சுக் குடியரசு மேற்கு ஐரோப்பாவில் தனது பெருநிலப் பரப்பையும் மற்றைய கண்டங்களில் ஆட்சிப் பகுதிகளையும், தீவுகளையும் கொண்ட நாடாகும்.

பிரான்ஸ் பெருநிலப் பரப்பானது, தெற்கே மத்தியதரைக் கடல் தொடக்கம் வடக்கே ஆங்கிலக் கால்வாய் வடகடல் வரையும் விரிந்து காணப்படுகிறது.

பெல்ஜியம், ஜெர்மனி, சுவிட்சர்லாந்து, லக்சம்பேர்க், இத்தாலி, மொனாகோ, அன்டோரா, ஸ்பெயின் ஆகியன இதன் அண்டை நாடுகள்.

இந்நாட்டின் வடிவத்தைக் கொண்டு இதை “அறுகோணி” (The Hexagon) என்று அழைப்பது உண்டு.

இது மேற்கு ஐரோப்பாவின் மிகப் பெரிய நாடும், ஐரோப்பிய நாடுகளில் மூன்றாவது பெரிய நாடும் ஆகும்.

11,035,000 சதுர கிலோமீட்டர் (4,260,000 சதுர மைல்) பரப்பளவு கொண்ட, உலகின் இரண்டாவது பெரிய தனிப் பொருளாதார வலயம் பிரான்சிலேயே உள்ளது.

கடந்த 500 ஆண்டுகளுக்கு மேலாக, ஐரோப்பாவிலும் உலகிலும், பண்பாடு, பொருளாதாரம், படைத்துறை, அரசியல் ஆகியவற்றில் வலுவான செல்வாக்குக் கொண்ட ஒரு நாடாகப் பிரான்சு விளங்கி வருகிறது.

17 ஆம், 18 ஆம் நூற்றாண்டுகளில் வட அமெரிக்கா, தென்கிழக்கு ஆசியா ஆகிய பகுதிகளில் பெரும் பகுதிகளைப் பிரான்சு தனது குடியேற்றவாத ஆதிக்கத்தின் கீழ்க் கொண்டுவந்தது.

19 ஆம் நூற்றாண்டிலும், 20 ஆம் நூற்றாண்டின் முற்பகுதியிலும், ஆப்பிரிக்காவின் வடக்கு, மேற்கு, நடுப் பகுதிகளையும், தென்கிழக்கு ஆசியாவையும், பல கரிபிய, பசிபிக் தீவுகளையும் உள்ளடக்கிய குடியேற்றவாதப் பேரரசைப் பிரான்சு கட்டியெழுப்பியது.

அக்காலத்தில் இதுவே உலகின் இரண்டாவது பெரிய குடியேற்றவாதப் பேரரசாக விளங்கியது.

பிரெஞ்சுக் குடியரசானது, ஒற்றையாட்சி அரை-அதிபர் முறையைப் பின்பற்றும் குடியரசு.

இந் நாட்டின் முக்கியமான குறிக்கோள்கள் மனிதரினதும் குடிமக்களதும் உரிமைகள் சாற்றுரையில் அடங்கியுள்ளன.

பிரான்சின் அரசியலமைப்பு, அந்நாட்டைப் பிரிக்கமுடியாத, மதச் சார்பற்ற, மக்களாட்சிச் சமூகவாதக் குடியரசு என்கிறது.

உலகின் மிக வளர்ச்சியடைந்த நாடுகளில் ஒன்றான இது, மொத்த உள்நாட்டு உற்பத்தியின் அடிப்படையில் உலகின் ஐந்தாவது பெரிய பொருளாதாரத்தைக் கொண்டுள்ளது.

வாங்கு திறன் சமநிலை அடிப்படையில் உலகின் ஒன்பதாவது நிலையில் உள்ள இதன் பொருளாதாரம், பெயரளவு மொத்த உள்நாட்டு உற்பத்தி அடிப்படையில் ஐரோப்பாவின் இரண்டாவது பெரியது.

திரட்டிய வீட்டுச் செல்வ அடைப்படையில் பிரான்சே ஐரோப்பாவில் செல்வம் மிகுந்த நாடும், உலகில் நான்காவது பணக்கார நாடும் ஆகும்.

உயர்ந்த வாழ்க்கைத் தரம் கொண்ட பிரான்சு, உயர்ந்த பொதுக் கல்வியறிவு மட்டத்தையும் கொண்டுள்ளது.

உலக சுகாதார அமைப்பின் பட்டியலின்படி, உலகின் மிகச் சிறந்த பொதுச் சுகாதார வசதிகளை வழங்கும் நாடாகப் பிரான்சு உள்ளது.

பிரான்ஸ், ஐக்கிய நாடுகள் சபை, ஜி8 நாடுகள், ஐரோப்பிய ஒன்றியம் ஆகிய அமைப்புகளில் உறுப்பினராக உள்ளது.

ஐக்கிய நாடுகள் சபையின் பாதுகாப்புச் சபையின் உறுப்பினரான பிரான்ஸ் வீட்டோ அதிகாரம் கொண்ட நாடாகும்.

மேலும் பிரான்ஸ் உலகில் அங்கீகரிக்கப்பட்ட 8 அணு சக்தி நாடுளில் ஒன்று.

பிரான்சு தான் உலகிலேயே அதிகளவு சுற்றுலாப் பயணிகள் செல்லும் நாடு.

இங்கு ஆண்டுதோறும் சுமார் 82 மில்லியன் சுற்றுலாப் பயணிகள் வருகிறார்கள்.

சர்வதேச போலீஸ் அமைப்பின் தலைமையகம் லியோன் தலைநகரில் அமைந்துள்ளது.


1763, பிப்ரவரி, 10 – பிரான்ஸ், க்யூபெக் மாநிலத்தை பிரிட்டனுக்கு அளித்தது.

1825, ஆகஸ்ட், 25 – அன்று உருகுவே நாடானது, பிரான்சிடமிருந்து விடுதலை அடைந்ததாக பிரகடனப்படுத்திக் கொண்டது.

1846, செப்டம்பர் 23 – ஆம் தேதி நெப்‍டியூன் கோளானது, பிரெஞ்சு வாணியலாளர் உர்பைல் லேவெரியர் மற்றும் பிரிட்டிஷ் வானியலாளர் ஜோஹன் கோட்பிரீட் காலே ஆகியோரால் கண்டுபிடிக்கப்பட்டது.

1859, மே, 15 – ஆம் தேதி, மனிதகுல மேம்பாட்டிற்கான பல சிறந்த கண்டுபிடிப்புகளை கண்டறிந்த பியரி கியூரி, பிரான்ஸின் பாரிஸில் பிறந்தார்.

1859 – ஆம் ஆண்டு, பிரெஞ்சு நாட்டைச் சேர்ந்த நிறுவனம் ஒன்றால் சூயஸ் கால்வாய் வெட்டும பணி தொடங்கப்பட்டது.

1870, செப்டம்பர், 24 – பிரெஞ்ச் பொறியியாளர் மற்றும் மற்றும் கண்டுபிடிப்பாளருமான ஜார்ஜ் கிளாட், பிரான்ஸில் பிறந்தார்.

1895 – ஆம் ஆண்டு, பிரான்ஸிலுள்ள பாரிஸில் திரைப்படம் முதன் முதலாக பொதுமக்களுக்கு காட்டப்பட்டது.

1908, ஜனவரி, 12 – முதல் முறையாக தூர இடத்துக்கான வானொலி செய்தி பிரான்ஸின் ஈபிள் கோபுரத்திலிருந்து அனுப்பப்பட்டது.

1919 ஆம் ஆண்டு பிரான்ஸ் நாட்டில் உள்ள பாரீசில் நடைபெற்ற அமைதி மாநாட்டின் மூலம் முதல் உலகப்போர் முடிவுக்கு வந்தது.

1940, ஜூன், 10 – அன்று, இரண்டாம் உலகப்போரின் போது, இத்தாலியானது, பிரான்ஸ் மற்றும் பிரிட்டன் மீது போர் பிரகடனம் செய்தது.

1944 ஆம் ஆண்டு, ஏப்ரல், 21, அன்று பிராண்ஸ் பெண்கள் வாக்களிக்கும் உரிமையைப் பெற்றனர். இரண்டாம் உலகப்போரின் போது பிராண்ஸ் பெண்களின் பங்கிற்கு வெகுமதி அளிப்பதற்கான உத்தரவை அப்போது அல்ஜியர்ஸை தளமாகக் கொண்ட ஜெனரல் சார்லஸ் டி கோலின் தற்காலிக அரசாங்கம் இச்சட்டத்தை நிறைவேற்றியது.