ல, ள, ழ வேறுபாடு

1. அலகு – பறவையின் மூக்கு, அளவு, ஆண்பனை
2. அழகு – வனப்பு
3. அளகு – சேவல், பெண்கூகை

1. அழம் – பிணம்
2. அலம் – கலப்பை
3. அளம் – உப்பு

1. அழி – அழித்துவிடு
2. அலி – பேடி, காகம், விருச்சிகராசி
3. அளி – கருணை, கள், வண்டு

1. அலை – கடல் அலை, அலைந்து திரிதல்
2. அழை  – கூப்பிடு
3. அளை – தயிர், பிசை

1. இலை – மரம், செடி, கொடிகளின் இலை
2. இழை – செய், நூல் இழை
3. இளை – மெலிந்து போதல்

1. உலவு – நட
2. உளவு – ஒற்று
3. உழவு – கலப்பையால் உழுதல்

1. உலு – தானியப் பதர்
2. உழு – நிலத்தை உழு
3. உளு – உளுத்துப் போதல்

1. உலை – சமைக்க உலை வைத்தல், உலைக்களம்
2. உழை – பாடுபடுதல், உழைப்பு
3. உளை – பிடரிமயிர், சேறு

1. ஒலி – ஓசை
2. ஒழி – அழித்துவிடு, தொலைத்து விடு
3. ஒளி – வெளிச்சம், பதுங்கிக் கொள்

1. கலி – கலியுகம், பாவகை, சனி
2. கழி – கோல், மிகுதி, உப்பளம்
3. களி – மகிழ்வு, இன்பம்

1. கலை – வித்தை, கலைந்து போதல்
2. கழை – மூங்கில்
3. களை – வயலில் களையெடுத்தல், முகத்தின் ஒளி

1. காலி – ஒன்றுமில்லாதது, வெற்றிடம்
2. காளி – துர்க்கை, மாயை
3. காழி – சீர்காழி (ஊர்)

1. கிலி – அச்சம், பலம்
2. கிழி – துண்டாகக் கிழித்தல், கோடு கிழித்தல்
3. கிளி – ஒரு பறவை    

1. குலி – மனைவி
2. குழி – பள்ளம், பாத்தி, பன்னீரடிச் சதுரம், வயிறு
3. குளி -நீராடு

1. குலவி – மகிழ்ந்திருத்தல்
2. குழவி – குழந்தை, இளமை, யானைக் கன்று அம்மிக்கல்
3. குளவி – ஒரு வண்டு, காட்டுமல்லி

1. கொலு – அரசசபை, திருவோலக்கம்(தெய்வசபை), உல்லாசமாக வீற்றிருத்தல்
2. கொழு – மழு, கலப்பையில் மாட்டும் பெரிய இரும்பு, கொழு கொழுத்து இருத்தல்
3. கொளு – புறப்பொருள் வெண்பாமாலைத் துறை, பொருந்துவாய்

1. கோலை – மிளகு
2. கோழை – வீரமற்றவன், கபம்
3. கோளை – குவளை, எலி

1. கோலி – இலந்தை, விளையாடும் குண்டு
2. கோழி – உறையூர், விட்டில், பறவை
3. கோளி – பூவாது காய்க்கும் மரம், ஆத்தி, ஆலம்

1. சாலை – பாடசாலை, பொது மண்டபம், அறக்கூடம்
2. சாளை – கடல்மீன்
3. சாழை – குடிசை, குச்சு

1. சூல் – கர்ப்பம்
2. சூழ் – சூழ்ந்துகொள், சுற்று
3. சூள் – சபதம்

1. சோலி – ரவிக்கை, காரியம்
2. சோழி – பலகரை
3. சோளி – கூடைவகை

1. தலம் – இடம், பூமி
2. தழம் – தைலம்
3. தளம் – மேடை, மாடி வீட்டின் அடுக்கு

1. தலை – முதன்மை, சிரசு
2. தழை – புல், இலை முதலியன
3. தளை – கட்டுதல்

1. தாலி – கணவன் மனைவிக்குக் கட்டும் சின்னம்
2. தாழி – குடம், வாயகன்ற பாண்டம்
3. தாளி – ஒருவகைப் பனை, குழம்பு தாளித்தல்

1. துலி – பெண் ஆமை
2. துழி – பள்ளம்
3. துளி – மழைத்துளி, திவலை, சிறிய அளவு

1. தோலி – பிசின், ஒருவகை மீன்
2. தோழி – பாங்கி, நட்பால் நெருக்கமானவள்
3. தோளி – அவுரி (ஒருவகை குத்துச்செடி), அரக்கு

1. நாலம் – பூவின் காம்பு
2. நாழம் – இழிவுரை, வசவு
3. நாளம் – பூந்தண்டு, உட்துளை, ரத்தநாளம்

1. நாலி – முத்து, கந்தை ஆடை
2. நாழி – உள்தொளையுள்ள பொருள், ஒருபடி, ஏர், அம்பறாத்துணி, நாடா, பூரட்டாதி
3. நாளி – கல், நாய்

1. நால் – நான்கு
2. நாழ் – குற்றம், செருக்கு
3. நாள் – காலம், திதி

1. பாலி – தானியக் குவியல், தூற்றாத தானியம்
2. பாழி – கொடுத்தல், ஈதல்
3. பாளி – வரப்பு, எல்லை

1. முலை – உடலிலுள்ள ஓர் உறுப்பு
2. முழை – குகை
3. முளை – முளைத்தல், தறி, ஆப்பு, அங்குசம், இளமை, தண்டு, மூங்கில்

1. மாலி – மொளலி கிரீடம்
2. மாழி – மேழி, கலப்பை
3. மாளி – துணிமூட்டை

1. வலி – நோய், வலிமை, துன்பம்
2. வழி – நெறி, பாதை, தடம், உபாயம்
3. வளி – காற்று

1. வலை – மீன் பிடி வலை
2. வழை – ஒருவகை மரம், சுரபுன்னை மரம்
3. வளை – பொந்து, வளையல், வளைவு

1. வலு – வலிமை, பலம், பற்று
2. வழு – குற்றம், தவறு, பழிப்புரை, கேடு
3. வளு – இளமை, இளைய

1. வாலி – கிஷ்கிந்தை அரசன் (இராமாயணம்)
2. வாழி – வாழ்க (எனவாழ்த்துதல்)
3. வாளி – அன்பு, வட்ட வாள், வீரன், ஒரு காதணி

1. வால் – விலங்கின் வால்பகுதி, வெண்மை
2. வாழ் – உயிர்வாழ், பிழைத்திரு
3. வாள் – வெட்டும் கருவி, ஒளி பொருந்திய

1. வாலை – இளம்பெண், திராவகம் வடிக்கும் பாத்திரம், ஒரு சக்தி
2. வாழை – மரவகை
3. வாளை – மீன்வகை

1. விலா – விலா எலும்பு
2. விழா – திருவிழா, கொண்டாட்டம்
3. விளா – இளமை, வெண்மை, நிணம்

1. விலை – மதிப்பு, விலைக்கு விற்றல்
2. விழை – விரும்பு, ஆசைப்படு
3. விளை – ஒரு மீன்வகை, விளைவி (விளைச்சல்)